«УДМУРТ ДУННЕ» газет /Газета «УДМУРТСКИЙ МИР»

Толэзьлы быдэ пото «Дарт», «Берекет», «Герд», «Ингож» приложениос.

- "Гурт адями" вожвылъяськон- Социальной рекламая "Улӥз ке гурт, улоз Россия" вожвылъяськон- "Вормонэз данъяса" вожвылъяськон- "100 ар лыдпусъёс пыр" фотоконкурс- Патриотической кылбуръёслы сӥзем вожвылъяськон

___________________Республиканская общественно-политическая газета. 426008, Удмуртская Республика, г. Ижевск, ул. К. Маркса, 274.

• Все записи
• Записи сообщества
• Поиск

Александр Бречалов Дэри ёросысь Пыӵанка гуртысь Роман Гоцлэн но Наталья Ураковалэн семьязылы «Родительская слава» орденлэсь медальзэ сётӥз.

Гоц-Ураковъёс мыло-кыдо гуртлэн улоназ пырисько, праздникъёсты, конкурсъёсты радъяло. Роман гуртоослы юрттэ, ваче соос пляж, нылпи площадка лэсьтӥзы. Наталья — акушер-гинеколог, Ижысь медициная академиысь доцент.Показать полностью.

Роман но Наталья пиналъёссы понна тыршо, соосты котыр ласянь юртто. Ирина нылзы 7 аресысеныз флейтаен шудэ, кык пол Удмуртилэсь данзэ Дельфийской шудонъёсын утиз, уно конкурсъёсын лауреат луылӥз. Георгий пизы академической вокалэн выре, органэн но ударной инструментъёсын шудыны дышетске, П. Чайковский нимо 2-тӥ крезьгуро школалэн хорезлэн солистэз луэ. Кыктоос Яков но Александр озьы ик искусствоосъя школае ветло.

— Анай-атайёслэн юрттэменызы гинэ, пиналъёс бадӟым вормонъёс дорозь вуозы, соин ик ми котьку нылпиосынымы артэ, — верало трос нылпиё анай-атайёс.

Президент Владимир Путин кичӧлтонэн потӥз: ёрмись семьяосысь 8 аресысен 16 аресозь нылпиос понна выль пособие юнматоно.

Семьяос та юрттэтэз басьтыны быгатозы 1-тӥ апрельысен, но куриськонъёсты кутон мытэмын луоз ай 1-тӥ майысен — пособие висъяськоз апрель понна но. Лыдэ басьтӥськоз семьялэн адямилы быдэ доходэз: котькуд муртлы быдэ ичигес люкаське ке улыны тупатэм минимумлэсь. Шаерамы солэн быдӟалаез 11 сюрс 262 манет. Показать полностью.

Выль пособилэн быдӟалаез пӧртэм луоз: таизъя но пыӵалозы 3 аресысен 7 аресозь пособие понна кадь куронъёс. Кин ке басьтоз прожиточной минимумлэсь ӝынызэ гинэ — семьялэн доходэз, 50 процентсэ ватсаса, минимумлэсь ортче ке. 75 процентсэ — 50 процентсэ ватсаса, минимумозь уг вуы ке. 100 процентсэ — 75 процентсэ ватсаса но, адямилы быдэ доходзы минимумлэсь ичигес люкаське ке. Пособилэн быдӟалаез лыдъяськоз нылпилы юнматэм прожиточной минимумъя — со 11 сюрс 144 манет. Озьыен, тамында басьтозы 100 процентлы ортчем семьяос — 8 аресысен 16 аресозь нылпиоссылы быдэ. Со сяна, лыдэ басьтӥськоз на семьялэн ваньбурез. Кӧня ке машинаоссы, квартираоссы-коркаоссы ке, семья, валамон, ёрмисен уз лыдъяськы, пособие уз тыриськы. Сое басьтон понна адямилы быдэ улон инты 24 метрлэсь ятыргес луыны кулэ ӧвӧл, нимаз коркаын — 40 квадрат метрлэсь.

Куриськон сётэм бере пособие тупатӥське одӥг арлы, борысь выль куриськон гожтоно луоз. Нуйтэмын луоз-а, уз-а со — ваньмыз потоз семьялэн адямилы быдэ доходэз, ваньбурез бордысь. Пособие тыриськоз нылпилы 17 арес тырмон нуналозь.

Удмуртиысь Правительстволэн Тӧроезлэн социальной удысъя воштӥсез Татьяна Чуракова:

— Та пособиез басьтыны быгатозы Россиысь 5 миллионлэсь ятыр семьяос. Нош Удмуртиын — 20 сюрслэсь ятыр семьяос, кытын будо 8 аресысен 17 аресозь 50 сюрслэсь ятыр пиналъёс. Выль пособие соослы туж иназ луоз.

Элькунмы та юрттэтэз висъяны дась. Куриськон сётыны луоз 1-тӥ майысен кун услугаосъя огъя портал пыр яке МФЦ-е вазиськыса.

11-тӥ мартэ фольклор кырӟанъя но эктонъя «Айкай» театр кузь сюрес вылэ потоз. Артистъёс Киров улосысь городъёсын но посёлокъёсын 6 концерт возьматозы.

Театрлэн гастроле потыны луонлыкез кылдӥз, Россиысь Культурая министерстволэн «Мы — Россия» проектаз вормыса.Показать полностью.

— Киров улосысь 10 ёросъёсын удмуртъёс уло. «Айкайлэн» репертуараз та палась удмуртъёслэн трос кырӟанъёссы но, эктонъёссы но, дӥсьёссы но пыремын. Ми фольклорез калыкысь люкаськом, выль постановка дасяса, учкисьлы берыктӥськом. Со сяна, Киров улосысь но Удмуртиысь ӟучъёслэн калык фольклорзы ог-огзылы матын луэ— Ватка но Кам котырын улӥсьёс культуразы огъя. Соин ик Киров улосысь ӟучъёслы «Айкайлэн» программаез тунсыко луыны кулэ,— шуэ театрысь балетмейстер, этнограф но этнохореолог Андрей Прокопьев.

Гастрольёс сярысь пыр-почгес лыдӟе матэктӥсь номерысьтымы

Туспуктӥз Максим Егоров

Удмуртиысь Правительстволэн Председателезлэн воштӥсез Ольга Абрамова Улосэн кивалтонъя центрлэн меӵак эфираз гуртъёсын улӥсьёсты сюлмаськытӥсь юанъёслы валэктонъёс сётӥз.

Дунъёслэн будэмзы. Дунъёслэн будэменызы, сиён-юонлэн тырмымтэеныз герӟаськем юанъёс берло вакытэ ӵем шараясько.Показать полностью. — Малпасько, шаерамы сиён-юонэн герӟаськем шуг-секытъёс уз луэ, — вераз Ольга Абрамова, — милям гурт удысмы азинске. Туннэ нуналлы учконо ке, йӧлмы но сильмы профицитын. Асьме бусыосын будэтэм картошкамы, бакча емышмы — 80%. 2022-тӥ арын картошка, бакча сиён, ю тросгес мерттозы. Со сяна Удмуртия бадӟым вуз карон сетьёсын вераськиз, няньлы, йӧллы, сӥльлы, курегпузлы дунъёсты трослы будэтоно ӧвӧл шуыса.

Гуртын улӥсьёслы юрттэт. Гуртоос тунсыкъясько, коркаез выльдон яке тупатон понна нокыӵе юрттэт уг-а сётӥськы шуыса. Сётӥське. Туэ 2021-тӥ арын социальной наймъя программа ужзэ азьланьтоз. Соя муниципалитетъёслы предприятиын ужасьлы корка басьтон яке пуктон понна субсидия сётӥське. Дунлэсь 20 процентсэ уж сётӥсь тыре, 80 процентэз федерал но элькун бюджетысь висъяське. — Та программая адями предприятиын 5 ар ужамез бере, коркаез аслыз басьтыны быгатэ, дунызлэсь 10 процентсэ гинэ тырыса, 10 ар ужаса — 1 процентсэ, — вераз Ольга Абрамова. — Со сяна улон условиосты тупатон понна социальной выплатаос сётӥсько.

Ульчаын улӥсь пуныос. Улосэн кивалтонъя центрын ужасьёс пусйизы, выль арысен ульчаын улӥсь пуныосын герӟаськем 100 пала юанъёс вуизы шуыса. Калыкез сюлмаськытэ, пуныосты кин ке кутылэ-а, стерилизовать каре-а шуыса. — Законодательствоя, ми пуныосты кутылӥськомы, приютъёсы интыяськомы, отын 10 нунал возиськомы, стерилизовать кариськомы но приютын эшшо 10 нунал возиськомы. Кышкыт луисьтэм пӧйшуръёсты, кытысь кутӥмы, отчы ик нуиськомы, — вераз Ольга Абрамова. 2025-тӥ арозь Удмуртиысь вань городъёсын таӵе пӧйшуръёслы приютъёс кылдыны кулэ.